Uniun da catschadurs Greina, Sumvitg

 

Tgi essan nus?

 

Commembers ein oravontut catschaduras e catschadurs dalla vischnaunca da Sumvitg. Denton era caschaduras e catschadurs dallas secziuns vischinontas e persunas interessadas vegnan absorbidas.

L’Uniun da catschadurs Greina ei commembra dall’Uniun cantunala da patenta Grischuna.

En noss’uniun vegn ei distinguiu denter commembers A, B ni C.

 

Commembers A dall’ uniun da catschadurs Greina san tals daventar, che contonschan il dretg d’aquistar la patenta da catscha cantunala, sco era survigiladers da catscha.

 

Mintga commember A ha il dretg da:

• far propostas
• votar
• vegnir elegius
• seprofitar d’ acziuns dall’Uniun cantunala da patenta Grischuna
• separticipar a scadin’ occurenza organisada dalla UCG

 

Mintga commember A ei obligaus da:

• ademplir las obligaziuns finanzialas dalla UCG
• segidar tenor meglier saver e puder en tuttas spartas organisatoricas sco era da segidar vid la tgira

 

Commember B sa mintga commember A dad in’autra secziun daventar.

 

Mintga commember B ha il dretg da:

• seprofitar d’acziuns dall’Uniun cantunala da patenta Grischuna
• separticipar a scadin’occurenza organisada dalla UCG

 

Mintga commember B ei obligaus da:

• ademplir las obligaziuns finanzialas dalla UCG
• segidar tenor meglier saver e puder en tuttas spartas orgnisatoricas sco era da segidar vid la tgira

 

Commember C sa mintga persuna daventar, denton mo tals che han negin dretg da retrer la patenta da catscha.

 

Mintga commember C ha il dretg da:

• assister allas radunonzas cun vusch consultativa ( negin dretg da votar )
• separticipar a tuttas occurenzas dalla UCG

 

Mintga commember C ei obligaus da:

• pagar la contribuziun annuala
• sustener e s’engaschar per ils dretgs dall’ Uniun da catschadurs Greina

 

 

Tgei fagein nus?

La finamira da noss’uniun san ins formular sco suonda:

L’Uniun da catschadurs Greina ha l’intenziun da reunir las catschaduras, ils catschadurs ed ils amitgs e las amitgas da catscha.

 

Finamiras

 

• Nus lein promover e mantener la “Catscha da patenta grischuna” conform allas perscripziuns da catscha e dalla tgira tenor principis etics e morals.
• Plinavon ei nies intent da tgirar e salvar in saun effectiv da selvaschinas e lur spazi da viver sco era da nezegiar il diember da selvaschinas nizeivlamein cun il sistem da “Catscha da patenta grischuna”.
• L’uniun vul salvar e rinforzar igl usit da nossa biala “Catscha da patenta”.
• Ina dallas principalas finamiras ein da promover e tgirar la solidaritad e collegialitad denter catschadurs e catschaduras da patenta e da salvar lur interess.
• Nus sustenin e segidein era cun candidats da catscha tier lur scolaziun e formaziun.
• L’Uniun persequitescha ina lavur publica regiunala en favur dalla catscha ed organisescha ord quei motiv differentas occurrenzas.